Një ditë pas hipotezave dhe akuzave se një diplomat i huaj i kishte kërkuar kreut të PBDNJ-së, vangjel Dule, të hynte në zgjedhje meqë në mungesë të Partisë Demokratike siguron më shumë deputetë, ka reaguar ish-kryeministri Sali Berisha.
Duke e cilësuar atë si “anëtar të klubit të kanabisit të Ramës ose i klubit 4700 euro metri katror”, ai i drejtohet se nuk mund të bëjë asgjë, pasi ata mbështetës janë në çadrën e opozitës.
Ish-kryeministri i bëri thirrje Komisionit Europian që ta largojë “këtë njeri, që nuk i bën nder askujt”.
“E vërteta mund të maskohet, por nuk vdes kurrë. Ky është një mision kombëtar, por edhe ndërkombëtar se ne besojmë tek miqtë tanë. Ne qëndrojmë në të drejtën tonë. Ka presione, ka shantazhe të ndryshme, por e vërteta na detyron.
Erdhi një misionar para 6 ditësh. Erdhi me misionin të shkatërrojë opozitën, të ndërtojë opozitën e ndërtuar sipas Edi Ramës. Dy gjëra do u them atij. Ky është një mision mbi ligje demokratike. Ti erdhe këtu ose si anëtar i klubit të kanabisit të Edi Ramës ose i klubit 4000 e 700 euro metra katror. Emrin nuk ta di, por nëse ata nuk do kishin ardhur në këtë cadër me vullnetin e tyre të lirë, Edi Rama do u kishte dhënë atyre cdo shpërblim. Na kujtove kohën e perandorisë osmane. Erdhe të blesh mandate por nuk ia dole. Largojeni nga Komisioni Europian këtë njeri. Ky nuk i bën nder njeriu.”, tha Berisha.
(XH.A/SHUPLAKA)
Discussion about this post