Gazeta e Partisë Demokratike, Rilindja Demokratike është hapur sot me me një sulm kundër ambasadores së Bashkimit Europian, Romana Vlahutin. Gazeta RD është hapur sot me titullin “Ambasadorët e BE duan Bashën, Vlahutin kundër”.
Shkrimi i reforohet një takimi të zhvilluar dje mes ambasadorëve të vendeve të BE-së të akredituar në Tiranë, ku e pranishme ka qenë edhe ambasadorja e Prezencës së Komisionit Europian, Romana Vlahutin.
Por sipas shkrimit, ndërkohë që disa ambasadorë kanë kërkuar të dëgjohet lideri i opozitës për krizën politike në vend, Vlahutin ka dalë kundër. Sipas RD-së, Vlahutin ka propozuar që në vend të Bashës të dëgjohet shoqëria civile.
“Ambasadorët e vendeve të BE kanë kërkuar dje që të dëgjohet prej tyre zëri i opozitës, duke kërkuar një takim me Kryetarin e opozitës Basha.
Kërkesa e disa ambasadorëve është kundërshtuar nga ambasadorja Vlahutin. Kjo e fundit në një axhendë tërësisht personale ka paraqitur argumenta qesharakë që të mos realizohej për momentin një takim i tillë” ka shkruar “RD”.
Po sipas infove pa burim që jep gazeta Vlahutin mendohet të ketë thënë se “Basha nuk e përfaqëson opozitën dhe do të qe më mirë të dëgjohet shoqëria civile sesa PD-ja”. Kjo “ka bërë shumë prej diplomatëve të nënqeshin” thuhet në artikull.
Pikërisht ky informacion me të cilën “RD” ka hapur faqen e parë të gazetës e ka bërë atë të shpërthejë, një një nga reagimet më të forta kundër diplomates së Brukselit në Tiranë”, shkruhet nga gazeta RD. (J.V/Shuplaka)
