Po përflitet shumë Koncerti i 2 Janarit që mbahet në Tiranë. Teksa qeveria dhe kryeministri Edi Rama reklamojnë ardhjen e Filarmonisë së Vjenës, një ndër më të famshmet në botë.
Sipas qeverisë, Shqipëria do të presë për herë të parë Koncertin e Vjenës. Një ditë pas koncertit të madh që mbahet çdo fillimviti në kryeqytetin austriak, në 2 janar 2017, Koncerti i Vjenës do të mbërrijë në Tiranë.
“Një ëndërr bëhet realitet. Falë një bashkëpunimi që kurorëzohet pas një përpjekjeje jo të vogël së bashku me Shkëlzen Dollin, në 2 janar vjen në Tiranë, të nesërmen e Vienës, një koncert i jashtëzakonshëm”, shkruante Rama në Facebook teksa njoftonte lajmin e koncertit.
Por ky lajm ka nxitur reagimin e artsitëve, politikanëve, gazetarëve dhe aktivistëve, sipas të cilëve, qeveria po gënjen pasi më 2 janar në[ Shqipëri nuk vjen Filarmonia e Vjenës, por një ansambël i zakonshëm, ku bën pjesë edhe artisti shqiptar Shkëlzen Doli.
Madje, sipas tyre, qeveria ka akorduar 135 milionë lekë të vjetra për këtë koncert, ndërkohë që me këtë shumë mund të financoheshin institucionet artistike-kulturore në vend.
Tenori i njohur Agim Hushi ka bërë një postim në rrjetet sociale, ku sqaron se më 2 Janar, në Tiranë, nuk vjen Filarmonia e Vjenës, por një ansambë prej 5 vetash, me origjinë nga Ballkani, ku bë pjesë edhe violinisti i famshëm shqiptar Shkëlzen Doli.
“Nuk po vjen Filarmonia e Vjenës një ditë pas koncertit tradicionnal të famshëm në Vienë, më 1 janar, por një ansambël me 5 vetë nga Viena, me instrumentistë me origjinë nga Ballkani, pjesë të cilit është edhe Shkëlzeni”, shkruan Hushi në Facebook.
Aktivistja e shoqërisë civile, Rezearta Çaushaj, ka kontaktuar me Filarmoninë e Vjenës, e cila i ka dërguar një përgjigje zyrtare lidhur me Koncertin e 2 Janarit.
“Nëse jeni mashtruar nga videoja dhe implikimi i ardhjes së Filarmonisë në Tiranë, kjo është përgjigja e Zyrës së Shtypit të Filarmonisë së Vjenës.
PS: Për të gjithë ata që do të thonë se nuk është bërë me qëllim, po vë në dukje vetëm faktin se në videon e trasmetuar jepet pikërisht në sfond Koncerti Simfonik i Vjenës. Për më tepër, është fakt i njohur se Koncerti i Vjenës i referohet pikërisht shfaqjeve të Filarmonisë së Vjenës”, shkruan Çaushaj.
Lidhur me të njëjtën çështje ka reaguar edhe zëdhënësja e PD-së, Ina Zhupa, e cila akuzon kryeministrin dhe qeverinë për vjedhje përmes biletave për koncertin e 2 Janarit.
Sipas saj, “kemi paguar 135 milionë lekë nga taksat tona që Doli të vijë në Tiranë për koncert, ndërkohë që çmimi i biletave varion nga 3 mijë lekë në 7 mijë lekë të rinj”.
Cfare dime nga MASHTRIMI/VJEDHJA me fondet e kultures se RAMES per koncertin e Dollit?
Ka reguar edhe kreu i Departamentit të Kulturës në PD, Arben Skënderi, sipas të cilit, me paratë që po shpenzohen për koncertin e 2 Janarit (që nuk është Filarmonia e Vjenës) do të mbulohej buxheti vjeçar dhe disa-vjeçar për disa prej institucioneve kryesore kulturore-artistike në vend.
“135 milionë lekë (të vjetra) për një koncert jep Ministria e Kulturës, për të dëfryer me taksat e shqiptarëve “parinë” e vendit. Vetëm te sundimtarët afrikanë gjen paralele të tilla…!
Po i kujtoj publikut por dhe vetë artistëve që kjo shumë e cila nuk ndalet me kaq, është sa:
1 vit buxhet artistik për gjithë Teatrin e Operes
Mbi një vit buxhet artistik për Tetrin Kombëtar
Mbi 4 vite buxhet artistik për Orkestrën e RTSH
Mbi 4 vite buxhet për Galerinë e Arteve”, sahkruan Skënderi.
Ndërkohë, gazetarja Eglantina Nikollaj, përmes një postimi në rrjetet sociale shkruan: “Si mund të jenë njerëzit kaq naivë sa të mendonin se koncerti i Vjenës do mbahet në Tiranë. Cili duhet besuar, kryeministri apo Agim Hushi? U shtypën në radhë njerëzia për bileta”.
Reagimi i Julian Dedës:
Sipas raportimeve të fundit, interesi i jashtëzakonshëm për koncertin në fjalë ka bërë që shitja e biletave të përfundojë në kohë rekord, pavarësisht se çmimet varionin nga 3000, 5000, 6000 dhe 7000 lekë, në bazë të vendit në sallë. (A.R/SHUPLAKA)
Discussion about this post