Shkodër
Arqipeshkvia Metropolitane Shkodër-Pult ka reaguar për debatet e fundit lidhur me vonesën e vendosjes së parullës me urimin e Krishtlindjes në qendër të qytetit. Në deklaratën zyrtare të firmosur nga Imzot Angelo Massafra, theksohet se Kisha Katolike nuk përfaqësohet nga Dom Vlash Palaj, i cili publikoi një status në rrjetet sociale pa autorizim nga Arqipeshkvi.
“Unë distancohem nga kjo mënyrë veprimi,” – shprehet Imzot Massafra, duke nënvizuar se keqpërdorimi i këtij statusi ka krijuar një atmosferë jo të përshtatshme në prag të festës së Krishtlindjes.
Arqipeshkvi falënderoi publikisht Bashkinë Shkodër dhe kryetarin e saj për bashkëpunimin e deritanishëm dhe propozoi që nga viti 2025 praktikat për vendosjen e urimeve të ndiqen njësoj si vitet e kaluara, në bashkëpunim me Komunitetet Fetare dhe me leje të posaçme nga bashkia.
Në fund të deklaratës, Imzot Massafra apeloi për qetësi dhe për vlerësimin e festës së Krishtlindjes si një kohë për të qenë “artizanë të paqes”, siç thotë Papa Françesku.
Discussion about this post