Gjatë fjalës së tij në Njësinë 4 në Tiranë, kreu i bashkisë Erion Veliaj u gjend përball me dy fëmijë që mbanin në dorë një bluze me mbishkrimin “Republika e Re”.
Kjo pamje e ngacmoi Veliajn i cili tha se bluzat dhe paratë duhet t’ja marrin PD—së, por votat duhet të shkojnë për PS-në, lali Erin dhe Edin.
Ai gjithashtu ironizoi edhe kandidatin e PD-së, Gent Srazimiri duke thënë që nuk mund t’i jepet vota një personi që shkoi me pistoletë në dorë për të bllokuar parkun e liqenit.
Erion Veliaj: Shof një çun të vogël aty me bulzën “Republika e re”. Lulit bluzat dhe lekët merrjani se të popullit janë, por votën PS, lalit dhe Edit. Se me lekët e popullit i kanë bërë nuk i kanë bërë me lekët e Hollandës. Meqë mu kujtua kjo Republika e re, e pashë që Republika e re, ta dëgjojnë edhe kalamajtë këtë: republika e re i ka sjellë deputet kësaj zone, atë Strazimirin që shkoi me pistoletë të prishte parkun, këndin e lodrave. Republika e re i propozon njësisë 4 t’ju sjellë terminatorin e kalamajëve. Pra njeriun që prish lodrat e kalamajve. Unë jam kurjoz, si do vijë ai te lagjia juaj dhe si do justifikojë faktin që ka bërë hajvanllikun më të madh në jetë, të shkojë me pistoletë të prishë këndin e lodrave. Ky lloj hajvani për ca i duhet njësisë 4. Kush është ai demokrat që zgjedh Strazimirin para kalamajve të vet, vetëm të jesh i luajtur mendsh. Nuk besoj se ekziston ndonjë demokrat që do më shumë pistoletën e Strazimirit sesa kalamajt e vet.
(B.H/Shuplaka)
Discussion about this post