Burime nga Fax News bëjnë me dije se pak minuta më parë ka nisur edhe takimi i grupit parlamentar demokrat ku pritet të vendoset mbi hapat konkretë që do të ndiqen në lidhje me situatën e krijuar në vend.
Mësohet se opozita, PD bashkë me LSI dhe aleatët, po pregatit një kërkesë, të cilën do t’ia paraqesë byrosë së Kuvendit për përjashtimin me disa ditë nga punimet të kryeministrit Rama, për fjalorin e përdorur ditën e enjte në seancë plenare.
Bëhet ne dije se gjithashtu ka një skenar për të nisjen e protestave masive dhe bllokimin e rrugëve në të gjithë vendin, siç ndodhi sot në Kukës dhe në Tiranë me bllokimin e rrugës tek Drejtoria e Policisë.
Gjithashtu është paralajmëruar se deputetët e opozitës do t’i bashkohen protestës tek Drejtoria e Polcisë.
Të pyetur nga Fax News, shumica e protestuesve kanë deklaruar se do t’i mirëpresin deputetët e opozitës në protestën për lirimin e qytetarëve të Kukësit.
(E.L/Faxweb)
Discussion about this post