Pas shkarkimit të gazetarëve në Shkodër nga puna, ka ardhur reagimi i televizionit ku ata punonin. Sipas medias, thuhet se shkarkimi ka ardhur si pasojë e shkurtimeve.
Drejtuesit e medias po ashtu hedhin poshtë deklaratën e Partisë Demokratike të disa orëve më parë ku sipas tyre kjo ishte një censurë e pastër dhe e diktuar nga interesa politike dhe ekonomike.
DEKLARATA:
Simon dhe Eliona Shkreli, burrë e grua, gazetarë të cilët punonin prej vitesh në një medie lokale në Shkodër, janë pushuar nga puna pa paralajmërim.
Mësohet se shkak për këtë shkarkim të beftë është bërë një status i Simon Shkrelit në profilin e tij në facebook. Gazetari ishte duke prezantuar bashkë me bashkëshorten e tij edicionin informativ të lajmeve, kur ka marrë lajmin se është pushuar nga puna.
Simon Shkreli ka treguar se vendimi për shkarkimin e dyfishtë erdhi për shkak të një reflektimi mbi situatën politike në facebook-un e tij personal.
Pas kësaj të shumta kanë qenë mesazhet sensibilizuese në ndihmë të gazetarit. Vetë ai ka reaguar me një status në rrjetet sociale.(M.D/Shuplaka)
Discussion about this post