Aktori i njohur i humorit, Florjan Binaj ka reaguar ndaj situatës tragjike që ka përfshirë Alepon në Siri. Theksin ai e ka vënë tek vuajtjet që po kalojnë fëmijët dhe gratë në Alepo për shkak të bombardimeve nga lufta.
“Sot ajo që po ndodh në Alepo do shkruhet në të gjithë librat e historisë si dështimi i çdo organizate të madhe ndërkombëtare dhe çdo shteti paqedashes….Vrasja e fëmjeve dhe grave të pafajshme të një vendi kaq të vogël, tregon që për shtetet e mëdha, vendet e vogla, edhe pse kanë kaluar shumë vite nga luftrat botërore dhe ato ballkanike, nuk janë asgjë tjetër veçse plaçka dhe sheshbeteja për interesat e tyre”, shkruan aktori.
Ai ju kërkoi ndjekësve të tij në Instagram që ta shpërndajnë foton e postuar prej tij, për të ndihmuar në ndërgjegjësimin e ndërkombëtareve për të shpëtuar këta fëmijë dhe këto nëna…
