Drejtori i Policisë së Shtetit, Ardi Veliu ka reaguar për videon ku shfaqet duke justifikuar dhùnën e pòlicisë ndaj 15-vjeçarit në zonën e Liqenit Artificial të Tiranës. Veliu ka renditur disa pika duke shpjeguar se është vënë në shënjestër të deformimit dhe kërkon ndjesë publike në rast se fjala e tij është keqkuptuar.
Reagimi i plotë i Veliut: Jam i keqardhur që Pòlicia e Shtetit bëhet rregullisht shënjestra e atyre që kurrë nuk e thanë një fjalë motivuese për të dhe sot përsëri e njëjta gjë. Ndërkohë që ne jemi organizata më rigoroze në gòditjen e fenomeneve brenda vetes, mjafton që një punonjës i ynë të bëjë një gabim dhe megjithëse ndëshkohet në radhë të parë prej nesh, prapëseprapë goditja vijon ndaj Policisë së Shtetit.
Sot unë jam vënë personalisht në shënjestër dhe më vjen keq për deformimin që po i bëhet realitetit të ngjarjes për të cilën fola dhe vetë qasjes sime ndaj saj.
Së pari, fjala ime nuk mund të nxirret nga konteksti siç po bëhet. Së dyti, kam bërë një ilustrim të idesë se nuk mundet të fajësohet gjithnjë e vetëm punonjësi i Pòlicisë duke u kapur pas një fotoje të rastit, pa konsideruar tërë kontekstin e një situate. Së treti, kam sqaruar se punonjësi në fjalë është pezulluar dhe ka nisur hetimi disiplinor dhe penal për të.
Së katërti, unë po komunikoja hapur me deputetët, një shqetësim që është i mbarë punonjësve tanë, për demonizimin që i bëhet figurës së Pòlicit të Shtetit dhe nuk doja të thosha më shumë se kaq. Por në fund dëshiroj t’u them të gjithë atyre që po e gjykojnë me ngut këtë “krím” të radhës, se nëse nuk kam arritur dot ta sqaroj si duhet atë çka kisha qëllim, kjo nuk mjafton për të më gjykuar me qëllim.
Këtë detyrë e kam mbajtur dhe do ta mbaj deri në fund me nder dhe puna ka folur e do të flasë për mua dhe Pòlicinë e Shtetit më mirë se sa fjalët tona. Ndjesë nëse kam krijuar një keqkuptim me komentin tim dhe besoj se kushdo që do të gjykojë pa paramendim dhe pa e menduar edhe këtë si rastin e radhës për të baltosur Pòlicinë e Shtetit, do të gjejë arsye për ta pranuar ndjesën time!(A.M/Faxweb.al)
Discussion about this post