Reagon ashpër Lulzim Basha: Plumbat hynë në dhomën ku flinin vajzat e gazetares, lidhja e deputetit të Ramës me…

Kreu i PD-së Lulzim Basha në një deklaratë urgjente për mediat ka dënuar ashpër sulmin ndaj gazetares Klodiana Lala.

Në fjalën e tij për mediat Basha u shpreh se plumbat kanë hyrë në dhomën ku flinin vajzat e gazetares, ndërsa Edi Rama sot duhet të heshtë dhe të urdhërojë sa më shpejt zbardhjen e plotë të kësaj ngjarjeje.

Kreu i opozitës dha dhe një nga pistat e mundshme të kësaj ngjarjeje, teksa tha se një nga çështjet që gazetarja ka nxjerrë në dritë së fundi është lidhja e deputetit të Edi Ramës, Jyrgis Çyrbja me bandën e Emiljano Shullazit.

Reagimi i Bashës:

Një gazetare që zbulon lidhjet e mafias me pushtetin është sulmuar me breshëri automatiku, dhe plumbat kanë goditur dhomën ku flejnë vajzat e saaj në shtëpinë e gjyshes. Mesazhi është i qartë se kush del nbga rreshti dhe nuk është në anën e qeverisë do të ndëshkohet. 

Dua të shpreh mbështetjen time dhe të Partisë Demokratike për gazetaren Klodiana Lala. Duhet të qëndrojmë duhet të luftojmë dhe duhet vtë përballemi. Klodiana Lala së fundi nxorri në dritë lidhjet e deputeti të Ramës Jyrgis Çyrbja me bandën e Emiljanop Shullazit.

Rama të lerë lotët e krokodilit dhe të gjej ata që sulmuan gazetaren. Të flasë më banditët e vetë dhe të gjejë mafiozët që qëllojnë kundër gazetarëve.

Sot kam një mesazh për Ramën, do mbash ti përgjegjësi për Klodiana Lalën dhe çdo gazetari tjetër, i preket një fije floku nga horrat që ke rrotull.

(E.K/FAXWEB.AL)