Pas vendimit të qeverisë shqiptare për të pranuar disa nga emigrantët e ngujuar në anijen ‘Diciotti’, ministri i Brendshëm, i Italisë Matteo Salvini ka vendosur që në orët në vijim emigrantët që janë të bllokuar në anije të lejohen të zbresin.
Madje ai në mesazhin e tij ka falendeuar qeverinë shqiptare për gadishmërinë e treguar për të marrë 20 prej 150 emigrantëve dhe ka adresuar kritika të forta kundrejt Francës.
“Disa prej tyre do të shkojnë në Shqipëri. Unë falenderoj qeverinë shqiptare që u tregua më serioze se qeveria franceze. U them faleminderit shqiptarëve e turp t’u vijë francezëve. Disa prej emigratëve do të shkojnë në dy vende të tjera europiane e emigrantët që do të mbeten në Itali do të merrren në kujdes të Kishës katolike”, ka deklaruar Salvini. (B.H/Faxweb)
Discussion about this post