Lulzim Basha deklaron se është thellësisht i tronditur pas vrasjes së gjuqtares Fildez Hafizi nga ish-bashkëshorti i saj, ngjarje e ndodhur në Tiranë.
Basha thotë se ky krim është një shuplakë zgjimi për të gjithë, ndërsa akuzon shtetin se amniston kriminelët
REAGIMI:
Jam thellësisht i tronditur nga vrasja e ftohtë kriminale e një gruaje, një nëne, një gjyqtareje. Shteti dhe të gjithë ne e braktisëm Fildezen në fatin e saj tragjik. Ajo u lut e tmerruar për ndihmë dhe shpresoi, por u shpërfill nga një shtet dhe shoqëri e cila ka humbur forcën për të reaguar ndaj krimit dhe të keqes.
Jeta e humbur e Fildeze Hafizit është një tragjedi që nuk duhej të kishte ndodhur, por edhe një shuplakë zgjimi për të gjithë, për të reaguar kundër krimit. Në një shtet që amniston kriminelët dhe nuk mbron as njerëzit e drejtësisë, jeta e çdokujt është e pambrojtur. Ne duhet të gjejmë forcën që të paktën fëmijet e Fildezes dhe të gjithë shqiptarëve të kenë një jetë më të sigurt. (B.H/Shuplaka)
Discussion about this post