Vetëm pak orë më parë tre katet e fundit të një pallati tek “Shkëmbi i Kavajës” janë shembur. Pallati ishte me 20 kate, pasi ka kate nëntokë dhe rreth 4 të fundit të cilët janë shembur kanë qenë në punime e sipër. Punëtorët fatmirësisht kanë shpëtuar, të paktën këto janë të dhënat e para nga vendi i ngjarjes, dëshmitarët që kanë qenë atje bëjnë me dije se policia ka rrethuar zonën.
Për këtë ngjarje ka reaguar edhe Bashkia e Durrësit e cila deklaron se subjetit i mungonte projekti teknik i punimeve. “Subjetit i mungonte projekti teknik i punimeve. Subjekti nuk ka plotësuar kërkesat ligjore. “, shprehet Bashkia.
Sipas një portali onlne Bashkia e Durrësit deklaron se ky institucion nuk e ka miratuar kërkesën e kompanisë që ka ndërtuar pallatin, pasi ajo nuk plotëson kushtet ligjore dhe mungon edhe projekti teknik i realizimit të punimeve. Ndërtuesi pretendon se ka fituar me vendim gjykate të drejtën për të ndërtuar pallatin, në vitin 2006, koha kur zona ishte në varësi të Komunës së Rrashbullit. Dhe tashmë me reformën e re territoriale, kur kjo zonë ka kaluar në varësinë e Bashkisë së Durrësit, ndërtuesit i është kërkuar ndërprerja e punimeve, pasi në kërkesën e paraqitur nuk plotësoheshin kushtet ligjore. Nisur nga ky fakt, Bashkia e Durrësit thekson se e ka refuzuar kërkesën e ndërtuesit të pallatit. Mësohet se puna në katër katet ishte ndërprerë vite me parë, dhe prej dy vjetësh konstruksionet metalike, ishin kthyer në shqetësim kryesor për banorët e pallatit pushuesit dhe për të gjithë komunitetin e zonës. (J.V/Shuplaka)
Discussion about this post