Ministrja e Mirëqenies Sociale dhe Rinisë, Xhulieta Kërtusha i ka propozuar Artur Mickos, drejtor i Shërbimit Kombëtar të Punësimit, largimin nga puna të Marisa Kaçorit, me arsyetimin se për këtë të fundit ka fakte që vërtetojnë pjesëmarrjen në fushatën elektorale të Partisë Socialiste.
Vendimi i MMSR-së është marrë në kuadër të masave të marra për parandalimin e angazhimit të punonjësve të administratës publike në aktivite elektorale, brenda orarit zyrtar të punës.
në një reagim për GSH.al Kaçori u shpreh se nuk ka asnjë shkresë zyrtare për shkarkimin e saj. Po ashtu ajo tha se ministria duhet të faktojë përfshirjen e saj në fushatë përgjatë orarit zyrtar. “Unë personalisht nuk kam asnjë shkresë zyrtare në lidhje me propozimin e ministres për shkarkimin tim nga puna. Nga kontakti që kam patur edhe me drejtorin e Përgjithshëm, më është thënë se edhe ai nuk ka shkresë zyrtare.
Ajo ka thënë se lajmin për shkarkimin nga detyra e ka marrë nga media, sipas saj ministrja duhet ta faktojë se ajo është marrë me fushatë gjatë orarit të punës.
Institucioni duhet të sjellë foto bashkë me orarin përkatës në të cilin ato janë shkrepur. Kjo pasi në bazë të urdhrit të kryeministrit, punonjësit e administratës publike mund të merrren me fushatë pas orarit zyrtar të punës”, ka thënë Marisa Kaçori.(B.H/Shuplaka)
