Gazetarja Klodiana Lala ka reaguar në faqen e saj në Facebook pas sulmit me armë që iu bë banesës së prindërve të saj në orën 03:00 të mëngjesit të sotëm.
“Nuk kemi asnjë konflikt, dyshoj se sulmi ka ardhur si rezultat i punës time si gazetare. Këtë profesion e kam ushtruar me ndershmëri dhe profesionalizëm ndër vite dhe do vazhdoj ta bëj me përkushtim”, thuhet në statusin e gazetares Lala.
Gjithashtu kjo e fundit është shprehur se asnjëri prej familjarëve të saj nuk është lënduar, por që janë të tronditur nga ngjarja. Gazetarja ka falenderuar posaçërisht ministrin Xhafaj dhe policinë shqiptarë për angazhimin serioz në zbardhjen e këtij krimi të rëndë.
Në banesën e prindërve të Klodiana Lalës, është qëlluar me armë sot në orët e para të mëngjesit ku ekspertët e policisë kanë gjetur 10 gëzhoja. Sipas burimeve policore hetimet vazhdojnë, ende pa asnjë pistë konkrete.
Discussion about this post