Këshilltari për mediat i kreut të LSI, Ilir Meta, Emiljano Aleksi ka reaguar ndaj deklaratave të Metës për koalicionin dhe zgjedhjet.
“Politika është si futbolli, jo të gjithë ata që e kanë qejf, dinë të luajnë”,- shkruan në rrjetet sociale Aleksi.
Kreu i Kuvendit Ilir Meta në një deklaratë pas mbledhjes së Kryesisë së LSI ka qënë i qartë në një pikë: LSI nuk do të bëhet pjesë e një farse zgjedhore ku zgjedhjet realizohen pa pjesëmarrjen e opozitës, ndërsa sa i përket koalicionit me PS Meta tha se është i hapur.
Kreu i LSI-së Ilir Meta foli për herë të parë për një qeveri besimi siç e quajti ai, për të garantuar zgjedhje të lira dhe të ndershme.
Ai tha se është i gatshëm për të sakrifikuar mandatin e tij dhe të ministrave të LSI-së. Meta sqaroi se kjo do të thotë që LSI t’i japë këto mandatet opozitës në kushtet e mosbesimit të thellë që ajo ka për zgjedhjet e 18 qershorit. (M.D/ Shuplaka)
Discussion about this post