Kreu i “Zgjidhja” Koço Kokëdhima ka reaguar ndaj komentit të OSBE/ODIHR-it, ai shprehet se Misionet ndërkombëtare të monitorimit të zgjedhjeve nuk kanë mundur ta ndihmojnë Shqipërinë që të arrijë të bëjë zgjedhje me standarde. Nuk kishte asnjë arsye që OSBE/ODIHR-i të priste zgjedhje më të mira se ato të shkuarat.
“Do të harrohet shpejt!” shprehet kreu i “Zgjidhja”
Ndërkohë Kokëdhima shprehet për zgjedhjet e 25 Qershorit se nuk do të ketë zgjedhje të lira dhe të ndershme në Shqipëri përderisa për 100 vjet do të vazhdojë zgjedhjet Rilindja dhe PD-ja.
“Zgjedhjet e 25 qershorit u bënë me dhjetra shkelje të rënda të ligjit dhe kushtetutës. Zgjedhjet e 25 qershorit janë të pabesueshme, të pandershme, të deformuara dhe jo të lira. Raporti i sotëm i OSBE/ODIHR-it do harrohet shpejt pas zgjedhjeve të ardhshme që do jenë si ato të 25 qershorit. PS dhe PD nuk bëjnë dot dhe as nuk kanë vullnet që të bëjnë zgjedhje të lira e të ndershme. Të dy partitë e mëdha e të vjetra, sa herë janë në pushtet vjedhin, trafikojnë, manipulojnë, blejnë e shesin votat në çdo palë zgjedhje! Zgjidhja pret që puna e parë e parlamentit të ri të jetë reforma zgjedhore dhe çdo masë tjetër që do të zgjidhte përfundimisht problemin e zgjedhjeve në Shqipëri”, shprehet deputeti.
(S.SH/Shuplaka)
Discussion about this post