Reagon Lulzim Basha pas deklaratës së fortë të Donald Lu-së: Vendi është në një katastrofë totale, në prag të një gremine!

Kryetari i PD, Lulzim Basha ka deklaruar se vendi është pranë një katastrofe totale për shkak të krimit të organizuar.

Këto deklarata të Bashës vijjnë pas deklaratave të forta të ambasadorit amerikan i cili tha se vendi kontrollohet nga klane kriminale.

“Shqipëria nuk qeveriset por sundohet nga klanet mafioze, raporti i OSBE –OHDRIT e thotë qartë, fakti i parë është vota u ble, u dhunua dhe u tjetërsua, fakti i dytë është se vota u ble u dhunua dhe u tjetërsua nga Edi Rama dhe Partia Socialiste, fakti i tretë sështë blerja, dhunimi dhe tjetërsimi i votës u bë nga bandat, nga paratë e pista dhe klanet kriminale.

Qytetarët e kanë të qartë se kur një qeveri vjen në pushtet nga shitblerja e votës edhe vetë qeveria është e blerë. Vendi është në prag të një gremine të paimagjinueshme këto 27 vjet, është një këmbanë alarmi për çdo shqiptar, ndaj partia demokratike po përgatit një plan politik dhe ligjor për të nisur së bashku me gjithë shqiptarët pa dallime politike një betejë e cila mund të ketë vetëm një përfundim, mposhtjen e krimit të organizuar, dhe për këtë duhet të mposhten ustallarët e tyre politikë. T’i kërkosh Edi Ramës të luftojë krimin e organizuar është t’i kërkosh të luftojë me vetveten, është e tepërt.

Detyra jonë është të bëhemi së bashku në një front të gjerë opozitar me qytetarët shqiptar e ardhmja e së cilëve dhe fëmijëve të tyre cëbohet rëndë nga krimi me pushtet dhe ti japim vendit zgjidhjen e vetme që është largimi i këtij karteli politiko-kriminal me në krye kryeministrin e votave të blera”, tha Basha.

(B.H/Shuplaka)