Kryeministrja e Britanisë së Madhe, Theresa May në një deklaratë drejtuar popullit të saj tregoi se i ishte bashkuar presidentit Trum në sulmin kundër Sirisë, për t’i dhënë fund përdorimit të armëve kimike nga regjimi i Bashar Al Asad.
May u shpreh se e kishte marrë vendimin për të rudhëruar sulmin e Forcave Britanike për të mbrojtur të drejtat kombëtare të Britanikëve.
Theresa May theksoi se nuk kishte asnjë alternativë tjetër.
“Këtë mbrëmje urdhërova Forcat e Armatosura Britanike për të ndërmarrë një aksion të përbashkët kundër caqeve të armëve kimike të regjimit sirian.
Ne jemi bashkë në këtë luftë me aleatët tanë amerikanë e francezë. Në Douma, të shtunën e kaluar u vranë me armë kimike 75 njerëz, përfshirë fëmijë, në një horror të paparë.
Në fakt ky sulm nuk duhet ta befasojë askënd.” tha kryeministrja May.
Theresa May shtoi se regjimi sirian ka përdorur armët kimike kundër njerëzve të vet në vazhdimësi, siç ishte rasti i vetëm para pak ditëve ku mes viktimave kishte dhe fëmijë.
(E.L/Faxweb)
