Mesila Doda deputetja e PDIU-së ka reaguar ne Facebook pas deklaratës së zv/minsitrit grek të mbrojtjes, Dimitri Vitsa, në të cilën ministri Vista thotë se çështja çame nuk eksizton dhe i bën të qartë kryeministrit Rama se Greqia nuk do jetë pjesë e një tryeze dialogu për një çështje të tillë. Për Mesila Dodën grekët vazhdojnë të mohojnë një krim të spastrimit etnik dhe në këtë absurditet janë të gjithë bashkë, qeveri dhe opozitë.
Statusi i plotë “Të gjithë krahët politikë në Greqinë “europiane” sillen njësoj, arrogantë e meskinë. Vazhdojnë mohojnë një krim të spastrimit etnik dhe në këtë absurditet janë të gjithë bashkë, qeveri dhe opozitë… Vetëm në Shqiperi ndodh që një pjesë e politikës vrapon te mbështesë fqinjin në sjelljet e tij arrogante e antishqiptare, me shpresë se do godasë kundershtarin politik. Kjo eshte dhe arsyeja pse sot jemi të ndarë e të prapambetur. Nje klasë politike që nuk sheh më larg se hunda e vet”.
