Ministria e Punëve të Jashtme të Shqipërisë ka reaguar ndaj sulmit terrorist në Stokholm ku një kamion ka vrarë 3 persona (sipas policisë, por raportohen 5 nga mediat lokale) dhe ka plagosur dhjetëra të tjerë.
Sipas Ministrisë së Punëve të Jashtme, nuk ka asnjë shtetas shqiptar të raportuar si të lënduar nga ky sulm.
Në deklaratë shprehet indinjata për këtë sulm ndaj popullit suedez.
Ministria e Punëve të Jashtme shpreh indinjatën e saj të thellë ndaj aktit terrorist të ndodhur sot në Stokholm, ku gjetën vdekjen tre persona dhe u plagosën shumë të tjerë.
Ministri Bushati u shpreh “i shokuar nga sulmi në Stockholm. Shqipëria shpreh solidaritetin e saj të plotë me Suedinë. Ngushëllime familjeve të viktimave”.
Shqipëria qendron me vendosmëri përkrah vendeve mike dhe aleate në luftë kundër terrorizmit.
Ambasada e RSH-së në Stokholm po e ndjek situatën në vijimësi dhe nga informacionet e deritanishme nuk rezulton të ketë shtetas shqiptarë të lënduar. (M.D/ Shuplaka)
Discussion about this post