Misistria e Mbrojtjes ka reaguar lidhur me tërmetin e fuqishëm që goditi Shqipërinë pasditen e sotme, ndërsa lëkundjet u ndjenë edhe në vendet fqinje.
Sipas njoftimit të ministrisë tërmeti ishte 5.4 ballë i shkallës Rihter, me thellësi 5 km. Ndërkohë Ministria e Mbrojtjes ka nxjerrë bilancin e shtëpive të dëmtuara, ndërsa shton se Specialistët e Emergjencave Civile ndodhet në zonë dhe për t’u ardhur në ndihmë banorëve.
Njoftim i Ministrise se Mbrojtjes:
Sot më datë 11.08.2018, ora 17:33, në fshatin Vinjoll të bashkisë Mat, ka pasur një lëkundje tërmeti me Magnitudë = 5,4 shkalla Rihter, dhe Thellësi= 5 km. Lëkundjet e Tërmetit janë ndier në qarqet: Shkodër, Lezhë, Dibër, Kukës, Tiranë dhe Elbasan. Deri tani nga komunikimi i QKOEC me specialistët e Emergjencave Civile në Prefekturën Dibër, janë raportuar këto dëmtime të pjesshme në banesa:
12 banesa te demtuara ne Bashkine Klos, kryesisht në çarje muresh, dëmtime tavanesh etj
8 banesa te demtuara ne Bashkine Mat.
47 banesa te demtuara ne Bashkine Bulqizë, çarje muresh.
Specialistët e Emergjencave Civile në bashkitë të cilat kanë pasur problematika në lidhje me lëkundjet e tërmetit janë në terren së bashku me punonjës të tjerë të bashkive për tu ardhur në ndihmë banorëve.
Specialiastët e Emergjencave Civile në Prefekturën Dibër janë në komunikim të vazhdueshëm me forcat që ndodhen në terren për të bashkërenduar veprimet në mënyrë që mos të ketë probleme tek banorët e prekur nga lëkundjet e tërmetit.
(B.H/Faxweb)
Discussion about this post