Gazetari Elvi Fundo reagon pas sulmit të sotëm, ku u dhunua nga dy persona të panjohur në afërsi të ish-Stacionit të Trenit.
Fundo hedh poshtë akuzat se sulmi i sotëm ndaj tij ka ndodhur për arsye politike, pasi sipas tij pas kësaj vepre fshihet krimi i organizuar nga klane korruptive mediatike të lidhura me drogën.
“Dy persona me sulmuan nga pas me mjete te forta afer zyres ne ore 10 e 30. Duke me shkaktuar disa plagosje. Flm te gjitheve per mbeshtetjen dhe kurajon. Nuk besoj qe eshte sulm politik por veper e krimit te financuar nga klane korruptive mediatike te lidhura me drogen. Inkurajoj dhe mbeshtes Policine e Shtetit per zbardhjen e ngjarjes.
Ju lutem mos beni politike me sulmin banditesk ndaj meje. Republika e vjeter dhe e re mos mbrojne bandite me pseudonime dhe trafikante ne media… As pole qe kercejne tek Rilindja dhe ju behet serenate nga PD.”, shkruan Fundo.
Gazetari është sulmuar nga dy persona ende të paidentifikuar në zonën e ‘’Stacionit të Trenit’’ në Tiranë pranë redaksisë së tij. Më pas ai është dërguar për trajtim në ‘’Spitalin e Traumës’’, ndërkohë që policia është vënë në ndjekje të autorëve dhe identifikimin e plotë të tyre.
Njoftimi i policisë:
“Më datë 08.03.2017, tek bulevardi “Zogu i Parë”, dy shtetas ende të pa identifikuar kanë goditur me grushta dhe mjete të forta shtetasin E. F., 35 vjeç, banues në Tiranë, i clili ndodhet në S.Q.U., jashtë rrezikut për jetën. Grupi hetimor po punon për identifikimin dhe kapjen e autorëve të kësaj vepre penale.” (D.D/Shuplaka)
