Sot me urdhër të Drejtorit të Përgjithshëm të Policisë së Shtetit, Haki Çako është shkarkuar nga detyra Drejtori i Policisë për Sektorin e Krimeve në Policinë e Shtetit, Ardian Çipa.
Mësohet se me urdhër të drejtorit Çako, shkarkime do të ketë edhe në disa qarqe të vendit, sidomos aty ku situata e kanabisit ka qenë më problematikja.
Brenda radhëve të policisë pritet të ketë së shpejti emërime të reja.
Ardian Çipa i kontaktuar nga GSH.al ka konfirmuar largimin e tij nga posti që ai mbante, teksa shprehet se nuk ka ende një vendim për një tjetër pozicion pune.
“Po. është e vërtetë që do të largohem nga detyra që kam mbajtur. Nuk është vendosur ende nëse do të jem në sektorin e Mbrojtjes së Dëshmitarëve, pasi ende nuk ka një urdhër konkret apo një vendim për pozicionin e ri. Jemi punonjës policie, herë do promovohemi dhe herë do ulemi në detyrë”, mësohet të ketë thënë Çipa. (M.D/ Shuplaka)
Discussion about this post