Këngëtarja e njohur e muzikës botërore Adele deklaroi ndarjen nga bashkëshorti i saj, Simon Konecki në prill. Madje ajo u pa pak ditë më parë në shoqërinë e një tjetër mashkulli, ku dukej se e kishte hedhur gjithçka pas krahëve.
Mirëpo, aludimeve të mediave rozë për një lidhje të mundshme të Adele, iu ka dhënë fund vetë 30 vjeçarja përmes postimit të një meme në rrjetet sociale.
Në memen, e cila paraqet gjendjen emocionale të këngëtares në dy momente të ndryshme, shkruhej: “Kur sheh veten në një gjendje të caktuar emocionale, pastaj papritmas të kujtohet se kush je”- duke nënkuptuar “madhështinë” e saj, përballë këtyre gjërave kalimtare.
Mesa duket Adele e ka pranuar gjithçka ndodhi dhe ka vendosur të eci përpara, ndërkohë të shumta kanë qenë edhe komentet pozitive të fansave duke e cilësuar këngëtaren si mbretëreshën e memeve.
“Po vdes së qeshuri, ti je një mbretëreshë e memeve. Më bëhet qejfi që e di”, shkruan një prej fansave në përgjigje të postimit të Adel, ndërsa një tjetër thotë: “Mbretëresha e memeve, poston një meme për veten e saj. Kjo është epike.”
Ndërkohë, kujtojmë se shumica e fansave të Adele janë në pritje të daljes në treg të albumit të saj më të ri.
