Peter Handke, është Nobelisti më I ri në zhanrin e lëtërsisë, ndërsa kritikat ndaj tij si rrallë herë në raste të tilla kanë qenë të ashpra e sidomos nga shoqëria, politika dhe kritika shqiptare.
Shkrimtari austriak, në reagimin e tij të parë pasi u shpall Fituesi i Çmimit Nobel për Letërsi, iu ka thënë mediave në Beograd se i vjen mirë që serbët janë të lumtur për të.
“Jam shumë i befasuar dhe shumë i lodhur, do të flasim më gjatë nesër. Dua të përshëndes të gjithë njerëzit në Beograd dhe Serbi, e ndiej gëzimin tuaj për njohjen e madhe që mora, faleminderit dhe në emrin tim sonte do të pimë raki dhe verë të bardhë ”, tha ai për Programin e Dytë të Radio Beogradit.
Peter Handke, ka ngjallur reagime të shumta pasi ai njihet si mbështetës i Sllobodan Millosheviqit.
Në mesin e tyre që kanë reaguar është edhe presidenti i Kosovës, Hashim Thaçi, Akademia e Shkencave dhe Arteve të Kosovës, organizata amerikane “Pen”, etj.
(F.GJ/FAXWEB.AL)
