Deputetja demokrate që gjatë kohëve të fundit ka shprehur vazhdimisht qëndrimine saj kundër qëndrimit të Partisë Demokratike me në krye Lulzim Bashën përkundër krizës politike, ka reaguar sot shkurtimisht, duke e shoqëruar reagimin e saj edhe me foto.
“Buzëqeshja është hakmarrja më e mirë e të gjithave”, shkruan deputetja Bregu në anglisht, duke e shoqëruar këtë reagim të shkurtër edhe me një fotografi të sajën, ku shafqet duke qeshur nga ambientet e Kuvendit të Shqipërisë.
“Smile is the best revenge of all”, shkruan konkretisht ajo, duke i bashkangjitur flamurin e Shqipërisë, PD-së dhe Amerikës bashkë me emoji tallëse.
Ky është reagimi i parë i saj pas arritjes së marrëveshjes Rama-Basha për paketën “McAllister Plus”. Gjithashtu i pari reagim i saj politik pas atij të 13 majit ku foli për praninë e saj në protestën e opozitës, teksa shprehej se ndodhej aty si qytetare, e jo si deputete e PD-së, ku ndër të tjera deklaronte: “PD nuk mund të simulojë revoltën që nuk e udhëheq dot,sepse Republika Imagjinare në një luftë imagjinare me një maxhorancë që është reale dhe e rrezikshme, nuk funksionon. PD nuk mund të flasë me vete dhe të jetojë e mbyllur në një çadër ku vetë flet e vetë dëgjon!”
(XH.A/SHUPLAKA)
Discussion about this post