Pas vendimit të gjykatëse cila rrëzoi padinë e kreut të Shtetit, Bujar Nishani në drejtim të kryebashkiakut të Tiranës me pretendimin se ky i fundit i kishte dëmtuar imazhin, ka reaguar edhe Veliaj. Në një takim në Njësinë Administrative Nr. 9, Veliaj pohoi se e kishte paralajmëruar që para një viti Nishanin që mos të merrej me çështjen e PD-së, për prishjen e këndit të lojërave tek Liqeni i Tiranës.
“Gjykata rrëzoi dhe ne fituam në gjykatë kundër presidentit Nishani, i cili vajti të shkatërronte lodrat e fëmijëve. Sot edhe gjykata e rrëzoi presidentin në largim. Në fakt, do isha i padrejtë nëse do të flisja sot, por unë e thashë para një viti, i thashë presidentit, mos u largo me turp, mos hyr në histori si i vetmi president që shkon shkatërron lodrat e fëmijëve, mos e mbyll me turp karrierën tënde politike, mos bëj diçka që nuk do të ta falin fëmijët e këtij qytet. Nuk më dëgjoi dhe sot edhe me vendim gjykate fitojnë fëmijët, fiton e ardhmja, fiton puna”, theksoi Veliaj. (J.V/Shuplaka)
