Real Madrid duket se tashmë është dorëzuar totalisht dhe në La Liga luan thjesht për të mbajtur formën për gjysmëfinalen e Champions League, trofeu i vetëm që i ka mbetur këtë sezon. Skuadra e Ancelottit, sot në fushën e Sociedad, mori një humbje të hidhur 2-0.
Në pjesën e dytë u vendos sfida me golin e ish-it Kubo, pas një gafe të pafalshme të Militaos, i cili ktheu një top mbrapa keq duke befasuar Courtois dhe duke asistuar për Kubon që e pati të lehtë të shënonte.
Më pas, Carvajal, tepër i irritur me gjyqytarin e ndeshjes, pasi mori të verdhë për protesta, mori edhe të kuq për një ndërhyrje me taka ngritur duke lënë ekipin me dhjetë futbollistë.
Real Sociedad, i shtyrë edhe nga publiku, gjeti edhe golin e dytë mjaft lehtësisht me Barrenetxea duke vulosur kështu fitoren 2-0 dhe duke blinduar vendin e katërt në renditje dhe zonën Champions…
Discussion about this post