Reali Madrid është eleminuar nga Kupa e Mbretit nga ekipi i Selta Vigos, pasi nuk ka mundur të kthejë rezultatin e ndeshjes së parë që u zhvillua në Madrid dhe përfundoi me rezultatin 2-1 në favor të Vigos.
Ndërkohë që në ndeshjen e dytë pritej kthimi i rezultatit nga madrilenët, kjo gjë nuk ka ndodhur sepse sfida është mbyllur me rezultatitin 2-2, çka i jep të drejtën Seltas që ta kalojë në raundin tjetër.
Ndeshja ka nisur mjaft keq për madrilenët sepse ylli i tyre Ronaldo ka humbur një rast të pastër shënimi për gol, ndërsa kjo nuk mund të cilësohet e keqja më e madhe sepse në minutën e 44 lojtari brazilian i Realit, Danilo ka shënuar një autogol duke ia vështirësuar më shumë punën madrilenëve për kthimin e ndeshjes.
Megjithëse shpresat janë hapur nga Ronaldo në minutën e 62, i cili ka shënuar një supergol në goditjen e dënimit.
Por blutë ua kanë vrarë sërish ëndrrën madrilenëve me një gol në minutën e 85 nga Daniel Wass. Megjithatë, madrilenët nuk janë dorëzuar plotësisht pasi kanë barazuar sërish në minutën e 90 me anë të Lukas Vazkes, duke e hapur edhe një herë ndeshjen.
Por 5 minutat shtesë nuk kanë mjaftuar që madrilenët ta kthejnë rezultatin. Kështu Reali i Madridit me këtë humbje tregon përseri se ka probleme dhe se dëmtimet po e penalizojnë shumë.
Me këtë ndeshje, madrilenët humbasin mundësinë për të fituar tripletën që ishte edhe objektivi i tyre për këtë sezon. (K.P/Shuplaka)
Discussion about this post