Cristiano Ronaldon padyshim që është lojtari më i mirë në historinë e Real Madridit. Që nga mbërritja te skuadra spanjolle nga Mannchester United ai ka thyer rekorde të shumta. Portugezi ka fituar titujt të shumtë, duke qenë shtylla e ekipit të Los Blancos.
Por, këtë edicion 31 vjeçari nuk po kalon nëpër një formë të mirë dhe kjo nuk po u pëlqen tifozëve, të cilët pavarësisht se CR7 ka dhënë gjithçka, ata vazhdojnë ta vërshëllejnë atë në Santiago Bernabeu.
Kjo u pa edhe në sfidën ndaj Real Sociedad, ku portugezit nuk po i besohej që po ndodhte sërish një gjë e tillë dhe filloi ta tunde kokën.
Megjithatë, ata heshtën kur Ronaldo shënoi një gol të bukur në pjesën e dytë, e që më pas filluan ta duartrokasin portugezin. Për këtë ngjarje ka folur edhe trajneri Zinedine Zidane, i cili është munduar të bëjë sikur nuk ka ndodhur asgjë.
“Ronaldo? Nuk mendoj se e kanë vërshëllyer atë. Duhet të falënderojmë tifozët, sot ishin të mrekullueshëm”, deklaroi Zidane pas ndeshjes me Real Sociedad.
Kjo çështje është shndërruar në debat në Spanjë. Sipas shumë analistëve, pavarësisht formës, Cristiano Ronaldo – fituesi i katër Topave të Artë, nuk meriton diçka të tillë, dhe se duhet të respektohet ashtu siç bëjnë tifozët në Camp Nou edhe nëse Leo Messi nuk shfaqet në një ndeshje për Barcelonën. (E.K/SHUPLAKA)
Discussion about this post