Reali i Madridit nuk ka pasur një start të mirë në këtë fillim sezoni. Kjo pasi në La Liga gjendet shumë pikë pas Barcelonës, pa mundur të rikuperojë as nga hapat fals të katalanasve. Dhe në javën që sapo lamë pas ata nuk shkuan dot më shumë se një barazim pa gola me Atletiko Bilbaon.
Ndërkohë që kapiteni i tyre Sergio Ramos ka vendosur një rekord vërtet negativë sa i përket kartonëve të kuq të marrë.
Për 31-vjeçarin ai ndaj skuadrës baske ishte kartoni i kuq i 19 i marrë në karrierë duke kaluar Xavi Aguado dhe Pablo Alfaro, futbollistë të viteve ‘80 që ishin ndalur në 18 kartona të kuq secili me këta të fundit që nuk ngurruan të komentonin këtë ‘rekord’ të Ramos në Twitter.
Në total, Sergio Ramos me fanelën e Realit të Madridit ka marrë 24 kartona të kuq në të gjithë kompeticionet. Ai do të kthehet në dispozicion të trajnerit Zidane për ‘El Clasicon’ me Barcelonën që do të luhet në Santiago Bernabeu në 23 dhjetor.
(E.K/FAXWEB)
