Reali rikthehet tek fitorja, mposht 3-2 Malagën me vështirësi (VIDEO)

Real Madridi ka arritur një fitore të vështirë ndaj Malagës në ndeshjet e javës së13-t të La Ligës, në “Santiago Bernabeu”.

Ekipi i Madrilen, fitoi 3-2 takimin ndaj Malagas, duke u rikthyer tek fitorja, pas barazimit javën e kaluar në derbin ndaj Atletiko Madridit.

Skuadra e Zidan ka krijuar epërsi tre herë në ndeshje për të arritur një fitore aspak të lehtë kundër  Malagës që iu përgjigj mjaft mirë ekipit të kryeqytetit.

Karim Benzema shënoi në minutën e 9-të. Por nuk vonoi shumë dhe në minutën e 18-të  miqtë u përgjigjen përmes Rolan, i cili i barazoi shifrat. Casemiro shënoi për 2-1 dhe kështu u mbyll pjesa e parë ku dukej se ekipi I Realit kishte zgjidhur ndeshjen. Por, në të 58-tën, një gol i Kastros barazoi shifrat në 2-2. Duhej një penallti, të cilën Ronaldo e humbi fillimisht, por e rregulloi duke shënuar me rastin e dytë, që Reali të shënonte golin e tretë dhe të merrte fitoren.

Me këtë fitore, Reali shkon në kuotën e 27 pikëve në vendin e tretë në tabelën e klasifikimit, shtatë më pak se Barcelona por që ka një ndeshje mangut. (B.H/Faxweb)