Santiago Gimenez, autor i një dopiete, ishte njeriu që kontribuoi në humbjen e Bayernit të Munichut, por ajo kundër gjermanëve mund të ishte ndeshja e tij e fundit në Champions League me fanellën e Feyenoord. Sulmuesi meksikan, i ndjekur nga Milani, hap derën për kuqezinjtë:
“Të shohim se çfarë do të ndodhë, këto janë javë kyçe. Kam vënë gjithçka në duart e Zotit – tha ai në fund të ndeshjes për TV meksikan Somos Caliente -. Nuk dua të humb përqendrimin për këto gjëra, tani jam te Feyenoord dhe dua ta shijoj këtë fitore dhe asgjë më shumë për sa kohë që jam këtu, do ta mbroj këtë fanellë.
Fjalë dashurie që pasojnë gjestin pas golit të parë ndaj gjermanëve, kur ai shpërtheu në vrapim dhe vuri dorën në stemën e klubit holandez, duke treguar veten dhe më pas fushën. Si për të thënë, në thelb, “Unë po qëndroj këtu”.
Discussion about this post