Referendumi i përgjakur në Katalonjë/Qytetarët ia dalin me sukses pas përleshjes me policinë, votojnë pro pavarësisë

Pavarësisht përpjekjeve të dhunshme të autoriteteve spanjolle, shumica e katalanasve arritën të votojnë pro pavarësisë nga Spanja.

Qendrat e votimit u mbyllën në të gjithë Katalonjën, ku qytetarët u përballën me policinë për të mbrojtur qendrat e votimit.

Madje ia kanë dalë mjaft me sukses pasi autoritetet kanë arritur të mbyllin vetëm 10 prej qendrave të votimit.

Pas mbylljes së votimit, ka reaguar Carles Puigdemont, presidendi i Katalonjës i cili tha para mediave:”Në këtë ditë të shpresës dhe vuajtjes, qytetarët e Katalonjës kanë fituar të drejtën për një shtet të pavarur në formë republike.”

Mirëpo kujtojmë se ky referendum i ka kushtuar shtrenjtë qytetarëve katalanas, pasi mbi 800 prej tyre kanë mbetur të plagosur pas përleshjes me policinë.

Megjithatë kujtojmë se shteti spanjoll e ka cilësuar të paligjshëm referendumin, pasi kushtetuta nuk e lejon ndarjen e Spanjës.

Kryeministri spanjoll Mariano Rajoy tha më herët: “S’ka referendum pavarësie në Katalonjë”. Ai nuk e njohu votimin, ndërsa shtoi se katalanasit u mashtruan për të marrë pjesë në një votim të paligjshëm. (D.D/Shuplaka)