Gent Strazimiri është një nga deputetët më energjikë brenda PD-së. I kudogjendur sidomos kur është çështja e të bërit opozitë.
Mirëpo në një vëzhgim të thjeshtë është dhe një nga deputetët që rastësisht apo jo ka qenë pjesë e disa konflikteve që hera-herës kanë agravuar edhe në dhunë fizike.
Rasti më i fundit ka qenë mbrëmë në mbledhjen e Kryesisë së PD-së, ku Strazimiri ka qenë një nga personat që ka qetësuar konfliktin mes Jemin Gjanës dhe Valbona Mezinit. Këtë herë ndërhyrja e tij ka qenë mjaft me vend pasi situata mund edhe të përkeqësohej.
Por ky nuk është rasti i vetëm që emri i Strazimirit përmendet. Në punimet e Kuvendit në katërvjeçarin që lamë pas një konflikt mes tij dhe Armando Prengës, deputetit ‘’të fortë” të Lezhës ka bërë mjaft bujë asokohe.
Po ashtu në vitin 2009 dhe në 2010 Strazimiri është përfshirë në konflikte me deputetë të tjerë socialistë si Gazmir Bizhga apo Tom Doshi.
Çfarë refleksesh këto të Strazimirit, nuk është e lehtë të bësh opozitë në vendin tonë…! E sidomos në një mjedis ku argumenti merr përherë e më pak vlera.
(E.K/SHUPLAKA)
Discussion about this post