”’Reforma në drejtësi’ e Ali-Pashë Tepelenës”, AUREL PLASARI sjell një fragment me mesazh të fortë

Aurel Plasari mesazh të fortë për Reformën në Drejtësi, duke sjellë shembullin e Ali Pashë Tepelenës.

Plasari ka sjellë një pasazh nga Thomas Smart Hughes të vitit 1821, i cili përshkruan sistemin e drejtësisë ngritur nga Ali Pasha, i cili bënte dhe gjyqësinë.

”“REFORMA NË DREJTËSI” E ALI-PASHË TEPELENËS 😉

Thomas Smart Hughes 1821:

“Pranë portës së dytë, që shpie në një oborr të brendshëm, është një ndarje e veçantë në të majtë, ku Ali-pasha në atë çast gjendej duke pranuar lutjet dhe duke bërë gjyqësinë: sepse ai vetëm përbën shkallën më të lartë të gjykatës civile dhe kishtare të zotërimeve të tij. Duhet pranuar se ai i thjeshton mjaft format e procedurës dhe asnjë arhont, asnjë myfti, asnjë kadi dhe asnjë çfarëdo zyrtar drejtësie cilido qoftë nuk mund të ndërhyjë për hollësitë e ligjeve; vullneti i tij është i vetmi kod dhe kapriçoja e tij i vetmi rregull.”, citon Plasari nga Hughes, ndërsa vazhdon më tej.

”Në lëndën e çështjeve kriminale një maksimë e admirueshme e jurisprudencës angleze kërkon që më mirë të shpëtojnë nëntë fajtorë sesa të humbasë një i pafajshëm, ndërsa në Janinë përkundrazi të thonë: më mirë të varësh nëntë të pafajshëm sesa të të shpëtojë një fajtor”.

Nga: Voyages à Janina en Albanie, par la Sicile et la Grèce, Traduit de l’anglais de Thomas Smart Hughes par l’auteur de “Londres en 1819”, Tom 1, Paris 1821 (Libraire de Gide Fils).

fb a.p.”, përfundon pjesa e zgjedhur nga Plasari.

Reforma në Drejtësi është kryefjala e retorikës së politikanëve në Shqipëri, kryesisht kryeministrit Edi Rama dhe socialistëve.(V.G/SHUPLAKA)