I ftuar në emisionin “Të paekspozuarit” të Ylli Rakipit, analisti Fatos Lubonja i cilëson ambasadorin e SHBA-së Donald Lu dhe ndërkombëtarët, si pjesë e bandës së kryeministrit Rama.
Sipas Lubonjës, Donald Lu është pozicionuar hapur në krah të qeverisë së kryeministrit Edi Rama dhe paralajmëroi se Reforma në Drejtësi do të sillte një rrezik të madh në Shqipëri.
“Unë mendoj se rreziku i madh që kemi është se kjo reformë që kemi në drejtësi , edhe me intimidim të prokurorëve, duke dalë edhe ambasadori me këtë qëndrim prej peshkaqeni që tremb dhe thotë , unë të heq vizën, dhe me një mbështetje të hapur të kësaj qeverie, padyshim, sigurisht që prokurorët intimidohen edhe më shumë.”, tha Lubonja.
Në një moment analisti Andi Bushati e pyet:Ndërkombëtarët banda e kujt janë, banda e Ramës? Kësaj pyetjeje Lubonja i përgjigjet: Sot për sot po.
Më tej vazhdon: “Ndërkombëtarët janë në mbështetje të hapur të kësaj qeverie, do futen në burg një pjesë, thjesht për të bërë një shoë, dhe jo për të bërë drejtësi”.
Duke folur sërish për Reformën në Drejtësi dhe për ambasadorin Lu, Lubonja shprehet se parashikon ditë shumë të vështira.
“Që të më vijë të më bëjë mua vettingun një i huaj, ky është poshtërim i gjithë popullit. Këtu ka tendencë për manipulim. Mendimi im është se ne nuk jemi në rrugë të drejtë dhe unë parashikoj ditë shumë të vështira.”, thotë Lubonja. (D.D/Shuplaka)
