Presidenti Bujar Nishani ka takuar sot ambasadorët Lu dhe Vlahutin për Reformën në Drejtësi. Sipas deklaratës zyrtare nga zyra e presidentit, ai ka mbështetur shqetësimin e Petrit Vasilit në lidhje me ushtrimin e detyrave të Operacionit Ndërkombëtar të Monitorimit.
LSI ka shprehur më herët rezerva për këtë çështje dhe ka deklaruar se kompetencat e ambasadores bien ndesh me Kushtetutën.
Presidenti Nishani bëri me dije, se duke e konsideruar Reformën në Drejtësi me rëndësi jetike për vendin, e ka mbështetur që në gjenezë, si nismëtar i procesit, duke kulmuar me miratimin konsensual në Parlamentin shqiptar të paketës kushtetuese.
Nishani ka theksuar se e konsideron shumë të rëndësishme mbështetjen konsensuale edhe të fazës së zbatimit të kësaj reforme, duke iu përmbajtur detyrimit të të gjitha palëve për të respektuar në gërmë Kushtetutën e Republikës së Shqipërisë.
Kreu i Shtetit ka vlerësangazhimin e partnerëve ndërkombëtarë, SHBA dhe BE në realizimin e kësaj reforme përmes një procesi të paanshëm, ligjor dhe të besueshëm për qytetarët shqiptarë. (M.D/Shuplaka)
Discussion about this post