Reforma në Drejtësi, të premten hidhet shorti për anëtarët e KED-së

Kryetari i Kuvendit, Ilir Meta njofton datën e hedhjes së shortit për përzgjedhjen e anëtarëve të Këshillit të Emërimeve në Drejtësi (KED).

Ky short do të hidhet në datën 27 janar, në ambientet Kuvendit të Shqipërisë.

Ndërkohë, kryeparlamentari miraton dhe rregullat për procedurën e hedhjes së shortit për zgjedhjen e anëtarëve të KED-së.

“Shorti është i hapur dhe zhvillohet në prani të:
-përfaqësuesve të dërguar nga institucionet e përcaktuara nga neni 284 i ligjit nr.115/2016 “Për organet e qeverisjes së sistemit të drejtësisë”;
-Avokatit të Popullit;
-Përfaqësuesve të grupeve parlamentare;
-Përfaqësuesve të përfaqësive të huaja diplomatike të akredituara në Republikën e Shqipërisë dhe të organizatave partnere ndërkombëtare.
-medias.”, thuhet në njoftimin e Kuvendit.