Kreu i Partisë Demokratike, Lulzim Basha ka mbledhur ditën e sotme disa nga nga anëtarët e Komisionit të Reformës Zgjedhore me të cilët ka diskutuar në lidhje me qëndrimin dhe propozimet që do të dërgojë opozita.
Ndërkohë, mësohet se ditën e mërkurë Basha do të takohet në selinë e PD-së me kryetarët e partive opozitare aleatë të tij, për të diskutuar rreth aksionit opozitar por edhe Reforma Zgjedhore.
Burime bëjnë me dije se opozita shumë shpejt do të publikojë qëndrimet e saj për Reformën Zgjedhore si dhe propozime konkrete.
PD synon, të nxjerrë në pah edhe angazhimin e opozitës përballë mungesës së vullnetit të Edi Ramës për të miratuar me konsensus një reformë zgjedhore në përputhje me rekomandimet e OSBE/ODIHR-it.
Mësohet se gjatë takimit, Basha ka deklaruar se e vetmja mundësi për zhvillimin e zgjedhjeve të lira dhe të ndershme është Reforma Zgjedhore, ndërsa ka hedhur akuza të rënda ndaj kryeministrit Edi Rama për të cili tha se është pengues i saj.
Më tej, Basha ka interpretuar si një mekanizëm të tillë edhe shtyrjen me 3 muaj të gjendjes së jashtëzakonshme nga Rama për shkak të tërmetit të 26 Nëntorit.
(F.GJ/FAXWEB.AL)
Discussion about this post