Komisioni për Reformën Zgjedhore edhe sot nuk dha asnjë përfundim konkret. Opozita pas debateve për numërimin elektronik është larguar nga salla ku po zhvillohej mbledhja.
Mazhoranca nuk ka qenë dakord që në nisje të kësaj kërkese sepse sipas saj nuk ka kohë që kjo të realizohet në zgjdhjet parlamentare të 18-qershorit.
Lidhur me këtë ka reaguar edhe deputeti i LIBRA-s, Ben Blushi, sipas të cilit, votime do të ketë pasi pa vota ky sitem nuk mundet.
Ja çfarë shkruan Ben Blushi në Facebook:
“REFORMË JO, ZGJEDHJE PO.
Reformë zgjedhore s’do ketë pasi partitë e vjetra nuk duan për sa kohë që votat i numërojnë vetë. Shqipëria është i vetmi vend në Europë ku kundershtari numëron votat e kundershtarit. E megjithatë zgjedhje do ketë. Nuk e mundim dot këtë sistem pa vota. Më pas shohim…”.
Një ndër kërkesat kryesore të opozitës është votimi elektronik, pasi sipas saj, ky sistem do të zvogëlonte gabimet. (A.R/SHUPLAKA)
