Bashkëkryetari i Komisioniot për Reformën Zgjedhore Damian Gjiknuri ka folur përmes një lidhje me skype me Fax News në lidhje me zhvillimet e fundit sa i përket punës së këtij komisioni dhe mosmarrëveshjet që janë shprehur mes palëve.
Gjiknuri tha se ka pasur një reflektim nga ana e opozitës, dhe se e rëndësishme për të është rikthimi i punës së Këshillit Politik që do të mbahet të hënën mbledhja e radhës, ndërsa çështjet e diskutimeve do të nisin aty ku janë ndërprerë.
“Ka pasur një mungesë komunikimi për arsye se të gjithë i dini se vëmendja e gjithë politikës ka qenë tek pandemia. Por kakofonia më shumë u shkaktua nga deklaratat e opozitës se sa nga mungesa e dëshirës së mazhorancës. Çfarë iku iku, e rëndësishme është se opozita e korigjoi qëndrimin e saj në momentin e duhur dhe lajmi i mirë është se puna e komisionit do të nis të hënën aty ku e lamë, mua kjo më intereson. Siç duke nuk kanë qenë të mirëkoordinuar me deklaratat e tyre, se u keqkuptua dhe u dha një mesazh sikur misioni i Këshillit Politik kishte mbaruar, por opozita korigjoi veten”, tha Gjiknuri
Ai tha se brenda muajit maj mund të jetë definitive për mbylljen e gjithë procesit të diskutimeve dhe dakordësive sa iu përket ndryshimeve që do të ndodhin në këtë proces, ndërsa në qershor sipas tij, mund të bëhet miratimi në Kuvend.
Pjesë nga biseda me skuype për Fax News:
Pyetje: Kur kërkuat mbështetjen e ndërkombëtare për nxitjen e dialogut, i referohet dialogut me opozitën jashtë parlamentare?
Gjiknuri: Nuk dua të deklaroi se ç’kam komunikuar me zonjen Kim, por natyrisht të gjithë miqtë e Shqipërisë kanë nxitur dialogun me të gjithë aktorët e përfshirë në këtë proces. Edhe opozita jashtë parlamentare sepse është një aktor i rëndësishëm dhe ne kemi nisur dialogun në këtë aspekt.
Nga mbledhja e radhës presim të vazhdojmë aty ku e kemi lënë për shkak të pandemisë. Janë një numër çështjes që kemi shprehur mendime të ndryshme. Administrimi i procesit zgjedhor pritet që misioni i ekspertizës së ODHIR të përafrojë qëndrimet e palëve, është problemi i sistemit zgjedhor që ka mbetur pa u trajtuar, megjithëse ka pasur propozime në tryezë nga opozita parlamentare. Janë një sërë çështjesh të tjera, që brenda majit që do jetë muaj deciziv mendoj se duhen mbyllur dhe qershori të shërbejë për kalimin e tyre në Kuvend.
Pyetje: Kryetarja e LSI deklaroi se mazhoranca ka lënë në tavolinë 5 propozime të opozitës jashtëpalramentare, a i keni shqyrtuar ju këto propozime?
Gjiknuri: Këto propozime kanë qenë pjesë e punës së Këshillit, dhe një pjesë e tyre janë diskutuar, janë miratuar drafte konsensuale, është marrë edhe opinioni i ODHIR, pastaj do të kalojnë. Nuk mund të mereren si 5 kërkesa me ultimatum, palët duhen përafruar në marrjen e vendimeve, për çështjet që nuk merremi vesh, kemi rënë dakort para nisjes së punës dhe uljes në tavolinë që të marrim mendimin e ODHIR-it. Kjo është rruga, konsensusi është të bësh kompromise mbi bazë të disa principeve, dhe principe janë rekomandimet e ODHIR-it.
Çështjet që janë në tavolinë janë çështja e administrimit zgjedhor, procesi i Kolegjit Zgjedhor. Mbi të gjitha nëse ka një gjë themelore që do bënte një ndryshim në traditën e zgjedhjeve dhe partitë politike kanë pasur një rol aktiv jo mirëdashës për zgjedhjet, mendoj se është reforma tek administrata zgjedhore, që do të thotë se partitë të heqin dorë nga administrimi i zgjedhjeve. Asnjë palë nuk po kërkon të kontrollojë zgjedhjet, dhe shpresoj që opozita të reflektojë në këtë pjesë.
Pyetje: Opozita parlamentare kërkon ndryshimin e sistemit, a është e gatshme mazhoranca ta pranojë këtë kërkesë?
Gjiknuri: Ne ju kemi bërë disa pyetje ekspertëve për të ditur a janë në përputhje me ligjin. Çdo propozim për sistemin ka nevojë për ndërhyrje në Kushtetutë, dhe nuk mund të pranohet propozimi i një pale automatikisht nga pala tjetër. Nuk është e thjeshtë që e mendojmë se duhet bërë kështu dhe o burra ta kalojmë se kështu është interesi i një pale. PS ka qëndrimet e veta, por nuk i kemi shprehur pasi kemi lënë që të shprehen ekspertët më parë. Të vetmet propozime që kanë ardhur për këtë çështje janë nga opozita parlamentare. Më e rëndësishme për Shqipërinë në këtë moment nuk është ndryshimi i sistemit, por nëse do të jemi të detyruar se nuk kemi votat, këtë nuk e parashikoj dot.
Pyetje: A është e mjaftueshme koha për të përbyllur Reformën Zgjedhore brenda muajit qeshror
Gjiknuri: Mendoj se është e mundur pasi nga pikëpamja teknike 80-90% e punës është bërë. Janë disa pika që kërkojnë marrëveshje politike, nuk ka problem nga pikëpamja e hartimit të ligjit. Nëse biem dakort që të kemi një administratë zgjodhere jo të përzgjedhur nga administrata shtetërore, jo nga subjektet politike. Mendoj se është mjaftueshëm që në maj ta përmbyllim procesin që në pjesën tjetër të bëhen diskutimet dhe miratimet në Kuvend.
(F.GJ/FAXWEB.AL)
Discussion about this post