Reforma Zgjedhore/ Flet Adnor Shameti: Nuk janë propozime të maxhorancës, opozita të bashkohet…

Shqipëria mori “JO” të prerë nga Bashkia Europianë përsa i përketë hapjes së negociatave. Gjithashtu, Bundestagu dhe BE vendosën edhe 9 kushte të reja për hapjen e negociatave, por sërish Franca ishte kundër deri në fund.

Por Adnor Shameti nuk e cilëson “JO” e negociatave të prerë nga ana e BE-së. Gjatë intervistës në FaxNews, Shameti shprehet se vendimet për zgjerimin e BE-së merren në mënyrë unanime nga të gjitha vendet dhe nëse një vend del kundra si rasti i Francës, është e pamundur të çelen negociatat.

Shameti u shpreh se Shqipëria dhe Maqedonia e Veriut kanë plotësuar detyrat e dhëna nga BE. Gjithashtu, deputeti i PS-së shprehet se kancelarja Angela Merkel ka qënë avokatja e Shqipërisë në BE. Më tej, Shameti ka folur edhe për Komisionin e Reformës Zgjedhore që do të mbahet gjatë ditës së nesërme. Ai thekson se pikat e propozuara nga PS janë pjesë e procesit e cila diktohet nga rekomandimet periodike të OSBE-ODHIR

“Ka qënë vendim i njëanshëm i presidentit Macron dhe i qeverisë fraceze, që nuk kanë nxjerr asnjë mos plotësim detyrash, por kanë ngritur rregulla të tjera për hyrjen në BE. Nga ana e Shqipërisë dhe e Maqedonisë së veriut janë bërë sforco të jashtëzakonshme për të plotësuar detyrat dhe kushtet e venduara nga BE. Janë plotësuar të gjitha detyrat e shtëpisë, dhe nuk kemi asnjë pengë në lidhje me këtë. Kancelja gjermane Angela Merkel ka qënë avokatja numër 1 e vendit tonë. Jam shumë optimist që në takimin e ardhshëm do të ketë një vendim pozitiv si për Shqipërinë dhe për Maqedoninë e Veriut.”

I pyetur nga gazetari i FaxNews për Reformën Zgjedhore, çfarë ka propozuar PS ditën e sotme dhe ajo çfarë nuk shikohet në pikat e parashikuara nga PS është depolitizimi i Komisionerëve, deputeti është përgjigjur “Kemi nisur një proces, mbledhja e fundit ka shumë e frytshme. Kemi bërë një axhendë që në mbledhjen e shkuar dhe pjesë e axhendës janë edhe pikat që ju më pyetët. Nuk janë propozime të PS apo të grupit demokrat apo të një grupi tjetër parlamentar, por është pjesë e axhendës e cila diktohet nga rekomandimet periodike të OSBE-ODHIR në 3-4 proceset e fundit zgjedhore. Dhe pikat që më pyetët janë pjesë e procesit, janë krijuar edhe grupet e punës. Nesër është mbledhja e rradhës, për çështjet që janë publikuar ditën e sotme. Partia socialiste i ka bërë thirrje edhe opozitës, të bashkohet me këtë reformë.”

(K.H/Faxweb.al)