Reforma Zgjedhore është ende pa u mbyllur, ndërkohë që vendi pritet të shkojë në zgjedhje gjatë muajit qershor. Partitë politike vijojnë të jenë të ndara në qëndrimet e tyre, me opozitën që proteston në shesh për zgjedhje të lira e të ndershme dhe mazhorancën me dy partitë e koalicionit që reformën nuk mund ta bëjnë të vetme.
Ndërkohë që kreu i grupit parlamentar të LSI-së Luan Rama ka patur një takim sot me monitoruesit e OSBE-OHDIR-it. Ai theksoi se klasa politike ka përgjegjësinë e saj për mungesën e besimit në zgjedhje.
‘’Klasa politike është përgjegjëse për mungesën e besimit në zgjedhje. Problemi më i madh është mungesa e besimit. Nuk janë reflektuar rekomandimet e OSBE/ODIHR”, është shprehur Luan Rama.
LSI tha ai është e hapur për bashkëpunim me OSBE/ODIHR duke shprehur se listat e hapura janë mundësi reale që qytetarët të zgjedhin, jo vetëm të votojnë. (E.K/SHUPLAKA)
Discussion about this post