Presidenti i Kosovës, Hashim Thaçi iu është përgjigjur shumë personaliteteve të cilët deklaruan se kanë refuzuar dekorimin nga presidenti me rastin e 10-vjetorit të Pavarësisë së Kosovës.
Nëpërmjet një reagimi në ‘Facebook’ Thaçi shkruan se ka thënë se në tavolinën e punës ka hiq më pak se 500 emra të personaliteteve dhe organizatave kombëtare dhe ndërkombëtare, të propozuar, por edhe të vetëpropozuar nga ai për marrjen e Medaljes Presidenciale të 10 Vjetorit të Pavarësisë.
Ai ka kujtuar se deklaratat e këtyre individëve janë të pasakta pasi askush nuk mund ta refuzojë dekoratën pa qenë i dekoruar.
Postimi i plotë:
Në tavolinën e punës kam hiq më pak se 500 emra të personaliteteve dhe organizatave kombëtare dhe ndërkombëtare, të propuzuar, por edhe të vetëpropozuar për marrjen e Medaljes Presidenciale të 10 Vjetorit të Pavarësisë.
Deri më tani kam shqyrtuar jo më shumë se 20 propozime, 13 prej të cilave tanimë janë refuzuar dhe 7 janë aprovuar. Të tjerat do t’i shqyrtoj në ditët dhe javët në vijim.
Disa deklarata të individëve janë të pasakta. Askush nuk mund ta refuzojë dekoratën pa qenë i dekoruar.
E kuptoj frustrimin e disave, por sipas kritereve të mia, nuk mund të jesh i dekoruar edhe nga shteti i Serbisë për kontributin e dhënë për Jugosllavinë dhe ai i Kosovës njëkohësisht.
Do t’i zbatoj me përpikëri kriteret kushtetuese, ligjore dhe kombëtare, dhe sa për sqarim, propozimet nuk janë dekorim.
Të refuzuarit nuk do të marrin përgjigje publike, sepse nuk dua t’i lëndoj. Të dekoruarit do të njoftohen zyrtarisht. HTH
(B.H/Faxweb)
Discussion about this post