Gjykata Europiane për Të Drejtat e Njeriut ka rrëzuar kandidaturat e qeverisë shqiptare për gjykatës në Gjykatën e Strasburgut.
Mësohet se GJEDNJ ka kërkuar një listë të re kandidatësh duke rrëzuar kandidaturat me pretendimin se nuk janë mjaft mirë të kualifikuar.
Qeverisë shqiptare iu kërkua që të paraqesë kandidatët e saj, të cilët mësohet se u intervistuan nga Komisioni i GJEDNJ-së më 6 prill 2017.
Lista është refuzuar për herë të dytë. Kandidatët që u rrëzuan janë Aurela Anastasi, Sokol Berberi dhe Aleksandër Muskaj.
Në nëntor të 2016-ës, qeveria shqiptare rihapi aplikimet për kandidaturat për gjyqtarë të Shqipërisë në Gjykatën Europiane të të Drejtave të Njeriut pas refuzimit që iu bë 3 kandidatëve të parë.
Në fund të shtatorit, Këshilli i Europës ktheu mbrapsht tre kandidatët që propozoi qeveria shqiptare për gjyqtar në Strasburg, konkretisht ata ishin: ish-kryeprokurorja Ina Rama, ish-anëtari i Gjykatës Kushtetuese, Sokol Berberi dhe juristi Gent Ibrahimi.
(XH.A/SHUPLAKA)
