Kryeministri i Kosovës, Albin Kurti dhe Kryeparlamentarja Vjosa Osmani për nder të 12 vjetorit të Pavarësisë së Kosovës kanë bërë homazhe tek varri i ish-Presidentit të vendit, Ibrahim Rugovës.
“Në një dite si kjo ne vlerësojmë përpjekjen instistuese dhe institucionale, angazhimin politik për liri dhe pavarësi”, ka thënë Kurti.
Kurti e Osmani gjatë homazheve tek varri i Rugovës thanë se kujtojnë kontributin e dhënë të ish Presidentit të vendit, Ibrahim Rugovës.
Duhet thënë se kjo është vizita e parë që Kurti ka bërë tek varri i presidentit Rugova, gjë që kishte refuzuar ta bënte vite me radhë, kur ishte vetëm në krye të Vetëvendosjes.
