Udhëheqësit sirianë dhe rusë refuzuan kërkesën nga forcat rebele dhe fuqitë perëndimore për armëpushim dhe vazhduan fushatën e bombardimeve për rikthimin e Alepos.
Presidenti i Sirisë, Bashar al-Assad, në një intervistë për median vendase, tha se forcat qeveritare janë pranë kontrollit të plotë të qytetit të Alepos. Rikthimi i këtij qyteti do të përbënte hapin më të rëndësishëm të Assadit drejt fundit të luftës mbi pesëvjeçare.
“Alepo do të ndryshojë plotësisht rrjedhën e betejës në gjithë Sirinë. Kjo nuk do të thotë fund i luftës në Siri, por do të jetë një hap i madh drejt kësaj”, raportohet të ketë thënë Asad.
Ai tha se armëpushimi të i cili kërkohet nga forcat rebele në këtë moment është praktikisht i pasmundur.
“Amerikanët, sidomos, insistojnë në armëpushim, sepse agjentët e tyre terroristë janë tani në situatë të vështirë”, tha Assad.
Ai e përshkroi Alepon si “shpresën e fundit” të rebelëve dhe mbështetësve të tyre, pas dështimeve në betejat në Damsak dhe Homs.
Asad u shpreh se për refuzimin e armëpushimit ai ka pasu rnjë konsultë me Rurinë dhe se bashkëpunimi mes vendeve është i përditshëm. Ishte Ministri i jashtëm rus, Sergei Lavrov, ai që takua ditën e djeshme në Hamburg të Gjermanisë me Sekretarin amerikan të Shtetit, John Kerry. Por mes tyre nuk u arrrit një marrëveshje për të vednosur armëpushimin në Siri.
Discussion about this post