Korea Veriore e ka quajtur psikopat presidentin e SHBA-së, Donald Trump, dhe e akuzon se po merret me Korenë për të shmangur krizën në SHBA.
Trump ka kritikuar Korenë Veriore, duke e quajtur regjimin e saj si brutal, pas vdekjes së studentit 22-vjeçar Otto Ëarmbier, i cili ishte lëshuar nga ky vend kur ishte në gjendje kome dhe kishte vdekur ditën e hënë.
Gazeta zyrtare “Rodong Sinmun” ka paralajmëruar fqinjët e Koresë Jugore se një përkrahje nga ana e tyre e Trump do të sjellë katastrofa.
“Koreja Jugore duhet ta kuptojë se përkrahja e psikopatit Trump do të sjellë deri te katastrofat”, shkruan gazeta.
Një seri testesh atomike dhe nisje raketash që nga viti i kaluar kanë ngritur tensionet në gadishullin Korean dhe vdekja e Warmbier ka tensionuar më tej marrëdhëniet midis Phenianit dhe Uashingtonit.
Trump goditi “regjimin brutal” në Phenian dhe tha se ishte i vendosur të parandalonte tragjeditë e tilla që t’u ndodhnin njerëzve të pafajshëm në duart e regjimeve që nuk respektojnë sundimin e ligjit ose të drejtësisë njerëzore themelore. (B.H/Shuplaka)
